ހިޔާ ފްލެޓުތަކުން 3 ގަޑިއިރަށް ފެނުނުގެ ހިދުމަތް މިރޭ ކެނޑިދާނެ ކަމުގައި އެމްޑަބްލިއުއެސްސީން ވިދާޅުވެއްޖެއެވެ.
އެކުންފުނިން ވިދާޅުވީ ހުޅުމާލެ ހިޔާ ފްލެޓްތަކަށް ފެން ފޯރުކޮށްދިނުމަށް ބޭނުންކުރާ ބޫސްޓަރ ޕަމްޕް ސިސްޓަމަށް ކުއްލި މައްސަލައެއް ދިމާވެފައިވާ ކަމަށެވެ. އެހެންކަމުން ހިޔާ ފްލެޓް 9 އިން 16 އަށް ލިބޭ ފެނުގެ ހިދުމަތް މެދުކެނޑިދާނެ ކަމަށެވެ.
މީސްމީޑިއާގެ 'އެކްސް' ގައި ކުރައްވާފައިވާ ޕޯސްޓެއްގައި ވަނީ މި ހިދުމަތް މެދުކެނޑިގެންދާނީ ފްލެޓް 9 އިން 16ގެ 9 ވަނަ ފަންގިފިލާއިން ފެށިގެން 16 ވަނަ ފަންގިފިލާއާ ހަމައަށް ކަމަށެވެ. އަދި ހިދުމަތް މެދުކެނޑާލާނީ ރޭގަނޑު 11 އިން ފެށިގެން މެންދަމު 2 ޖެހުމާ ހަމައަށް ކަމަށެވެ.
މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް ކުންފުނީގެ ފަރާތުން ވަނީ ނިހާޔަތަށް މައާފަށް އެދިފައެވެ.
